MN

MN 2, 3. paribbājakavaggo, 7. mahāsakuludāyisuttaṃ MN 77.1,

para.

30 ⇒

MN 3, 2. anupadavaggo, 8. ānāpānassatisuttaṃ MN 118.1,

para.

31 ⇒

152. “kathaṃ bhāvitā ca, bhikkhave, satta bojjhaṅgā kathaṃ bahulīkatā vijjāvimuttiṃ paripūrenti ? idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. dhammavicayasambojjhaṅgaṃ bhāveti . pe . vīriyasambojjhaṅgaṃ bhāveti. pītisambojjhaṅgaṃ bhāveti. passaddhisambojjhaṅgaṃ bhāveti. samādhisambojjhaṅgaṃ bhāveti. upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ bhāvitā kho, bhikkhave, satta bojjhaṅgā evaṃ bahulīkatā vijjāvimuttiṃ paripūrentī”ti.

MN 3, 5. saḷāyatanavaggo, 4. nandakovādasuttaṃ MN 146.1,

para.

11 ⇒

4.5. “satta kho panime, bhaginiyo, bojjhaṅgā,

yesaṃ bhāvitattā bahulīkatattā bhikkhu āsavānaṃ khayā anāsavaṃ

cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati.

katame satta?

idha, bhaginiyo, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

dhammavicayasambojjhaṅgaṃ bhāveti . pe .

vīriyasambojjhaṅgaṃ bhāveti.

pītisambojjhaṅgaṃ bhāveti.

passaddhisambojjhaṅgaṃ bhāveti.

samādhisambojjhaṅgaṃ bhāveti.

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

ime kho, bhaginiyo, satta bojjhaṅgā, yesaṃ bhāvitattā bahulīkatattā

bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva

dhamme sayaṃ abhiññā sacchikatvā upasampajja viharatī”ti.

MN 3, 5. saḷāyatanavaggo, 4. nandakovādasuttaṃ MN 146.1,

para.

21 ⇒

414. “satta kho panime, bhaginiyo, bojjhaṅgā, yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. katame satta? idha, bhaginiyo, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. dhammavicayasambojjhaṅgaṃ bhāveti . pe . vīriyasambojjhaṅgaṃ bhāveti. pītisambojjhaṅgaṃ bhāveti. passaddhisambojjhaṅgaṃ bhāveti. samādhisambojjhaṅgaṃ bhāveti. upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. ime kho, bhaginiyo, satta bojjhaṅgā yesaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī”ti.

SN

SN 1, 11. sakkasaṃyuttaṃ, 2. dutiyavaggo,

2. sakkanāmasuttaṃ SN 11.12, para.

8 ⇒

SN 1, 11. sakkasaṃyuttaṃ, 2. dutiyavaggo,

3. mahālisuttaṃ SN 11.13, para.

13 ⇒

SN 4, 9. asaṅkhatasaṃyuttaṃ, 2. dutiyavaggo,

1. asaṅkhatasuttaṃ SN 43.12, para.

9 ⇒

“katamo ca, bhikkhave, asaṅkhatagāmimaggo?

idha, bhikkhave, bhikkhu saddhābalaṃ bhāveti vivekanissitaṃ . pe .

ayaṃ vuccati, bhikkhave, asaṅkhatagāmimaggo . pe .

katamo ca, bhikkhave, asaṅkhatagāmimaggo?

idha, bhikkhave, bhikkhu vīriyabalaṃ bhāveti . pe .

ayaṃ vuccati, bhikkhave, asaṅkhatagāmimaggo . pe .

katamo ca, bhikkhave, asaṅkhatagāmimaggo?

idha, bhikkhave, bhikkhu satibalaṃ bhāveti . pe .

ayaṃ vuccati, bhikkhave, asaṅkhatagāmimaggo . pe .

katamo ca, bhikkhave, asaṅkhatagāmimaggo?

idha, bhikkhave, bhikkhu samādhibalaṃ bhāveti . pe .

ayaṃ vuccati, bhikkhave, asaṅkhatagāmimaggo . pe .

katamo ca, bhikkhave, asaṅkhatagāmimaggo?

idha, bhikkhave, bhikkhu paññābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

ayaṃ vuccati, bhikkhave, asaṅkhatagāmimaggo . pe .

SN 4, 9. asaṅkhatasaṃyuttaṃ, 2. dutiyavaggo,

1. asaṅkhatasuttaṃ SN 43.12, para.

10 ⇒

“katamo ca, bhikkhave, asaṅkhatagāmimaggo?

idha, bhikkhave, bhikkhu satisambojjhaṅgaṃ bhāveti . pe .

ayaṃ vuccati, bhikkhave, asaṅkhatagāmimaggo . pe .

katamo ca, bhikkhave, asaṅkhatagāmimaggo?

idha, bhikkhave, bhikkhu dhammavicayasambojjhaṅgaṃ bhāveti . pe .

vīriyasambojjhaṅgaṃ bhāveti . pe .

pītisambojjhaṅgaṃ bhāveti . pe .

passaddhisambojjhaṅgaṃ bhāveti . pe .

samādhisambojjhaṅgaṃ bhāveti . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

ayaṃ vuccati, bhikkhave, asaṅkhatagāmimaggo . pe .

SN 4, 9. asaṅkhatasaṃyuttaṃ, 2. dutiyavaggo,

1. asaṅkhatasuttaṃ SN 43.12, para.

11 ⇒

“katamo ca, bhikkhave, asaṅkhatagāmimaggo?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

ayaṃ vuccati, bhikkhave, asaṅkhatagāmimaggo . pe .

katamo ca, bhikkhave, asaṅkhatagāmimaggo?

idha, bhikkhave, bhikkhu sammāsaṅkappaṃ bhāveti . pe .

sammāvācaṃ bhāveti . pe .

sammākammantaṃ bhāveti . pe .

sammāājīvaṃ bhāveti . pe .

sammāvāyāmaṃ bhāveti . pe .

sammāsatiṃ bhāveti . pe .

asaṅkhatañca vo bhikkhave, desessāmi asaṅkhatagāmiñca maggaṃ.

taṃ suṇātha.

katamañca, bhikkhave, asaṅkhataṃ . pe .?

katamo ca, bhikkhave, asaṅkhatagāmimaggo?

idha, bhikkhave, bhikkhu sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ .

ayaṃ vuccati, bhikkhave, asaṅkhatagāmimaggo.

iti kho, bhikkhave, desitaṃ vo mayā asaṅkhataṃ,

desito asaṅkhatagāmimaggo.

yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya,

kataṃ vo taṃ mayā.

etāni, bhikkhave, rukkhamūlāni, etāni suññāgārāni.

jhāyatha, bhikkhave, mā pamādattha; mā pacchā vippaṭisārino ahuvattha.

ayaṃ vo amhākaṃ anusāsanī”ti.

paṭhamaṃ.

SN 5, 1. maggasaṃyuttaṃ, 1. avijjāvaggo,

2. upaḍḍhasuttaṃ SN 45.2, para.

3 ⇒

“kathañcānanda, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti,

ariyaṃ aṭṭhaṅgikaṃ maggaṃ bahulīkaroti?

idhānanda, bhikkhu sammādiṭṭhiṃ bhāveti vivekanissitaṃ virāganissitaṃ

nirodhanissitaṃ vossaggapariṇāmiṃ; sammāsaṅkappaṃ bhāveti vivekanissitaṃ . pe .

sammāvācaṃ bhāveti . pe .

sammākammantaṃ bhāveti . pe .

sammāājīvaṃ bhāveti . pe .

sammāvāyāmaṃ bhāveti . pe .

sammāsatiṃ bhāveti . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, ānanda, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti,

ariyaṃ aṭṭhaṅgikaṃ maggaṃ bahulīkaroti.

SN 5, 1. maggasaṃyuttaṃ, 1. avijjāvaggo,

3. sāriputtasuttaṃ SN 45.3, para.

3 ⇒

“idha, sāriputta, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, sāriputta, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti,

ariyaṃ aṭṭhaṅgikaṃ maggaṃ bahulīkaroti.

SN 5, 1. maggasaṃyuttaṃ, 1. avijjāvaggo,

9. sūkasuttaṃ SN 45.9, para.

3 ⇒

“kathañca, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṃ bhindati,

vijjaṃ uppādeti, nibbānaṃ sacchikarotīti?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṃ bhindati,

vijjaṃ uppādeti, nibbānaṃ sacchikarotī”ti.

navamaṃ.

SN 5, 1. maggasaṃyuttaṃ, 6. sūriyapeyyālavaggo,

1. kalyāṇamittasuttaṃ SN 45.44, para.

1 ⇒

49. sāvatthinidānaṃ . “sūriyassa, bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ — aruṇuggaṃ; evameva kho, bhikkhave, bhikkhuno ariyassa aṭṭhaṅgikassa maggassa uppādāya etaṃ pubbaṅgamaṃ etaṃ pubbanimittaṃ, yadidaṃ — kalyāṇamittatā. kalyāṇamittassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī”ti. paṭhamaṃ.

SN 5, 1. maggasaṃyuttaṃ, 6. sūriyapeyyālavaggo,

7. yonisomanasikārasampadāsuttaṃ SN 45.46,

para.

1 ⇒

55. “sūriyassa, bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ — aruṇuggaṃ; evameva kho, bhikkhave, bhikkhuno ariyassa aṭṭhaṅgikassa maggassa uppādāya etaṃ pubbaṅgamaṃ etaṃ pubbanimmittaṃ, yadidaṃ — yonisomanasikārasampadā. yonisomanasikārasampannassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī”ti. sattamaṃ.

SN 5, 1. maggasaṃyuttaṃ, 7. ekadhammapeyyālavaggo,

1. kalyāṇamittasuttaṃ SN 45.50, para.

1 ⇒

63. sāvatthinidānaṃ . “ekadhammo, bhikkhave, bahūpakāro ariyassa aṭṭhaṅgikassa maggassa uppādāya. katamo ekadhammo? yadidaṃ — kalyāṇamittatā. kalyāṇamittassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī”ti. paṭhamaṃ.

SN 5, 1. maggasaṃyuttaṃ, 7. ekadhammapeyyālavaggo,

7. yonisomanasikārasampadāsuttaṃ SN 45.52,

para.

1 ⇒

69. “yadidaṃ — yonisomanasikārasampadā. yonisomanasikārasampannassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī”ti. sattamaṃ.

SN 5, 1. maggasaṃyuttaṃ, 8. dutiyaekadhammapeyyālavaggo,

1. kalyāṇamittasuttaṃ SN 45.56, para.

1 ⇒

77. sāvatthinidānaṃ . “nāhaṃ, bhikkhave, aññaṃ ekadhammampi samanupassāmi, yena anuppanno vā ariyo aṭṭhaṅgiko maggo uppajjati, uppanno vā ariyo aṭṭhaṅgiko maggo bhāvanāpāripūriṃ gacchati, yathayidaṃ, bhikkhave, kalyāṇamittatā. kalyāṇamittassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī”ti. paṭhamaṃ.

SN 5, 1. maggasaṃyuttaṃ, 8. dutiyaekadhammapeyyālavaggo,

7. yonisomanasikārasampadāsuttaṃ SN 45.58,

para.

1 ⇒

83. “yathayidaṃ, bhikkhave, yonisomanasikārasampadā. yonisomanasikārasampannassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu yonisomanasikārasampanno ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī”ti. sattamaṃ.

SN 5, 1. maggasaṃyuttaṃ, 1. gaṅgāpeyyālavaggo,

1. paṭhamapācīnaninnasuttaṃ SN 45.62,

para.

1 ⇒

91. sāvatthinidānaṃ . “seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro”ti. paṭhamaṃ.

SN 5, 1. maggasaṃyuttaṃ, 1. gaṅgāpeyyālavaggo,

6. chaṭṭhapācīnaninnasuttaṃ SN 45.64,

para.

1 ⇒

96. “seyyathāpi, bhikkhave, yā kācimā mahānadiyo, seyyathidaṃ — gaṅgā, yamunā, aciravatī, sarabhū, mahī, sabbā tā pācīnaninnā pācīnapoṇā pācīnapabbhārā; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro”ti. chaṭṭhaṃ.

SN 5, 1. maggasaṃyuttaṃ, 1. gaṅgāpeyyālavaggo,

1. paṭhamasamuddaninnasuttaṃ SN 45.65,

para.

1 ⇒

97. “seyyathāpi, bhikkhave, gaṅgā nadī samuddaninnā samuddapoṇā samuddapabbhārā; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro”ti. paṭhamaṃ.

SN 5, 1. maggasaṃyuttaṃ, 1. gaṅgāpeyyālavaggo,

2-6. dutiyādisamuddaninnasuttapañcakaṃ SN 45.66,

para.

1 ⇒

98-1.2. “seyyathāpi, bhikkhave, yamunā nadī samuddaninnā samuddapoṇā samuddapabbhārā; evameva kho,

bhikkhave, bhikkhu . pe .

seyyathāpi, bhikkhave, aciravatī nadī samuddaninnā samuddapoṇā samuddapabbhārā; evameva kho,

bhikkhave, bhikkhu . pe .

seyyathāpi, bhikkhave, sarabhū nadī samuddaninnā samuddapoṇā samuddapabbhārā; evameva kho,

bhikkhave, bhikkhu . pe .

seyyathāpi, bhikkhave, mahī nadī samuddaninnā samuddapoṇā samuddapabbhārā; evameva kho,

bhikkhave, bhikkhu . pe .

seyyathāpi, bhikkhave, yā kācimā mahānadiyo,

seyyathidaṃ — gaṅgā, yamunā, aciravatī,

sarabhū, mahī, sabbā tā samuddaninnā samuddapoṇā samuddapabbhārā; evameva kho,

bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ

aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro.

kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento

ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento

ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro”ti.

chaṭṭhaṃ.

SN 5, 1. maggasaṃyuttaṃ, 5. appamādapeyyālavaggo,

1. tathāgatasuttaṃ SN 45.79, para.

1 ⇒

139. sāvatthinidānaṃ . “yāvatā, bhikkhave, sattā apadā vā dvipadā vā catuppadā vā bahuppadā vā rūpino vā arūpino vā saññino vā asaññino vā nevasaññīnāsaññino vā, tathāgato tesaṃ aggamakkhāyati arahaṃ sammāsambuddho; evameva kho, bhikkhave, ye keci kusalā dhammā, sabbe te appamādamūlakā appamādasamosaraṇā; appamādo tesaṃ dhammānaṃ aggamakkhāyati. appamattassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkarotī”ti.

SN 5, 1. maggasaṃyuttaṃ, 5. appamādapeyyālavaggo,

2. padasuttaṃ SN 45.80, para.

1 ⇒

14..

“seyyathāpi, bhikkhave, yāni kānici jaṅgalānaṃ pāṇānaṃ padajātāni,

sabbāni tāni hatthipade samodhānaṃ gacchanti; hatthipadaṃ tesaṃ aggamakkhāyati,

yadidaṃ — mahantattena; evameva kho,

bhikkhave, ye keci kusalā dhammā, sabbe te appamādamūlakā appamādasamosaraṇā; appamādo tesaṃ dhammānaṃ aggamakkhāyati.

appamattassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ

maggaṃ bhāvessati ariyaṃ aṭṭhaṅgikaṃ maggaṃ bahulīkarissati.

kathañca, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

evaṃ kho, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkarotī”ti.

dutiyaṃ.

SN 5, 1. maggasaṃyuttaṃ, 5. appamādapeyyālavaggo,

8-10. candimādisuttatatiyakaṃ SN 45.82,

para.

3 ⇒

148. “seyyathāpi, bhikkhave, yāni kānici tantāvutānaṃ vatthānaṃ, kāsikavatthaṃ tesaṃ aggamakkhāyati; evameva kho, bhikkhave, ye keci kusalā dhammā, sabbe te appamādamūlakā appamādasamosaraṇā; appamādo tesaṃ dhammānaṃ aggamakkhāyati. appamattassetaṃ, bhikkhave, bhikkhuno pāṭikaṅkhaṃ — ariyaṃ aṭṭhaṅgikaṃ maggaṃ bhāvessati ariyaṃ aṭṭhaṅgikaṃ maggaṃ bahulīkarissati. kathañca, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu appamatto ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkarotī”ti. dasamaṃ.

SN 5, 1. maggasaṃyuttaṃ, 6. balakaraṇīyavaggo,

1. balasuttaṃ SN 45.83, para.

1 ⇒

149. sāvatthinidānaṃ . “seyyathāpi, bhikkhave, ye keci balakaraṇīyā kammantā karīyanti, sabbe te pathaviṃ nissāya pathaviyaṃ patiṭṭhāya evamete balakaraṇīyā kammantā karīyanti; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti. kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkarotī”ti.

SN 5, 1. maggasaṃyuttaṃ, 6. balakaraṇīyavaggo,

2. bījasuttaṃ SN 45.84, para.

1 ⇒

15..

“seyyathāpi, bhikkhave, ye kecime bījagāmabhūtagāmā vuḍḍhiṃ virūḷhiṃ vepullaṃ āpajjanti,

sabbe te pathaviṃ nissāya pathaviyaṃ patiṭṭhāya evamete bījagāmabhūtagāmā

vuḍḍhiṃ virūḷhiṃ vepullaṃ āpajjanti; evameva kho,

bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ

maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu.

kathañca, bhikkhave, bhikkhu sīlaṃ nissāya sīle patiṭṭhāya ariyaṃ

aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesu?

idha, bhikkhave, bhikkhu sammādiṭṭhiṃ bhāveti vivekanissitaṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ

aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuḍḍhiṃ virūḷhiṃ vepullaṃ pāpuṇāti dhammesū”ti.

dutiyaṃ.

SN 5, 1. maggasaṃyuttaṃ, 6. balakaraṇīyavaggo,

3. nāgasuttaṃ SN 45.85, para.

1 ⇒

151. “seyyathāpi, bhikkhave, himavantaṃ pabbatarājaṃ nissāya nāgā kāyaṃ vaḍḍhenti, balaṃ gāhenti; te tattha kāyaṃ vaḍḍhetvā balaṃ gāhetvā kusobbhe otaranti, kusobbhe otaritvā mahāsobbhe otaranti, mahāsobbhe otaritvā kunnadiyo otaranti, kunnadiyo otaritvā mahānadiyo otaranti, mahānadiyo otaritvā mahāsamuddaṃ otaranti, te tattha mahantattaṃ vepullattaṃ āpajjanti kāyena; evameva kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesu. kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesu? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto mahantattaṃ vepullattaṃ pāpuṇāti dhammesū”ti. tatiyaṃ.

SN 5, 1. maggasaṃyuttaṃ, 6. balakaraṇīyavaggo,

4. rukkhasuttaṃ SN 45.86, para.

1 ⇒

152. “seyyathāpi, bhikkhave, rukkho pācīnaninno pācīnapoṇo pācīnapabbhāro. so mūlacchinno katamena papateyyā”ti? “yena, bhante, ninno yena poṇo yena pabbhāro”ti. “evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro”ti. catutthaṃ.

SN 5, 1. maggasaṃyuttaṃ, 6. balakaraṇīyavaggo,

5. kumbhasuttaṃ SN 45.87, para.

1 ⇒

153. “seyyathāpi, bhikkhave, kumbho nikkujjo vamateva udakaṃ, no paccāvamati; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati? idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamatī”ti. pañcamaṃ.

SN 5, 1. maggasaṃyuttaṃ, 6. balakaraṇīyavaggo,

6. sūkasuttaṃ SN 45.88, para.

1 ⇒

154. “seyyathāpi, bhikkhave, sālisūkaṃ vā yavasūkaṃ vā sammāpaṇihitaṃ hatthena vā pādena vā akkantaṃ hatthaṃ vā pādaṃ vā bhindissati lohitaṃ vā uppādessatīti — ṭhānametaṃ vijjati. taṃ kissa hetu? sammāpaṇihitattā, bhikkhave, sūkassa. evameva kho, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṃ bhindissati, vijjaṃ uppādessati, nibbānaṃ sacchikarissatīti — ṭhānametaṃ vijjati. taṃ kissa hetu? sammāpaṇihitattā, bhikkhave, diṭṭhiyā. kathañca, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṃ bhindati, vijjaṃ uppādeti, nibbānaṃ sacchikaroti? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu sammāpaṇihitāya diṭṭhiyā sammāpaṇihitāya maggabhāvanāya avijjaṃ bhindati, vijjaṃ uppādeti, nibbānaṃ sacchikarotī”ti. chaṭṭhaṃ.

SN 5, 1. maggasaṃyuttaṃ, 6. balakaraṇīyavaggo,

7. ākāsasuttaṃ SN 45.89, para.

1 ⇒

155. “seyyathāpi, bhikkhave, ākāse vividhā vātā vāyanti — puratthimāpi vātā vāyanti, pacchimāpi vātā vāyanti, uttarāpi vātā vāyanti, dakkhiṇāpi vātā vāyanti, sarajāpi vātā vāyanti, arajāpi vātā vāyanti, sītāpi vātā vāyanti, uṇhāpi vātā vāyanti, parittāpi vātā vāyanti, adhimattāpi vātā vāyanti; evameva kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāparipūriṃ gacchanti, sattapi bojjhaṅgā bhāvanāpāripūriṃ gacchanti. kathañca, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchanti? idha, bhikkhave, bhikkhu sammādiṭṭhiṃ bhāveti . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto cattāropi satipaṭṭhānā bhāvanāpāripūriṃ gacchanti, cattāropi sammappadhānā bhāvanāpāripūriṃ gacchanti, cattāropi iddhipādā bhāvanāpāripūriṃ gacchanti, pañcapi indriyāni bhāvanāpāripūriṃ gacchanti, pañcapi balāni bhāvanāpāripūriṃ gacchanti, sattapi bojjhaṅgā bhāvanāpāripūriṃ gacchantī”ti. sattamaṃ.

SN 5, 1. maggasaṃyuttaṃ, 6. balakaraṇīyavaggo,

8. paṭhamameghasuttaṃ SN 45.90, para.

1 ⇒

156. “seyyathāpi, bhikkhave, gimhānaṃ pacchime māse ūhataṃ rajojallaṃ, tamenaṃ mahāakālamegho ṭhānaso antaradhāpeti vūpasameti; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme ṭhānaso antaradhāpeti vūpasameti. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme ṭhānaso antaradhāpeti vūpasameti? idha, bhikkhave, bhikkhu sammādiṭṭhiṃ bhāveti . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme ṭhānaso antaradhāpeti vūpasametī”ti. aṭṭhamaṃ.

SN 5, 1. maggasaṃyuttaṃ, 6. balakaraṇīyavaggo,

9. dutiyameghasuttaṃ SN 45.91, para.

1 ⇒

157. “seyyathāpi, bhikkhave, uppannaṃ mahāmeghaṃ, tamenaṃ mahāvāto antarāyeva antaradhāpeti vūpasameti; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme antarāyeva antaradhāpeti vūpasameti. kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme antarāyeva antaradhāpeti vūpasameti? idha, bhikkhave, bhikkhu sammādiṭṭhiṃ bhāveti . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme antarāyeva antaradhāpeti vūpasametī”ti. navamaṃ.

SN 5, 1. maggasaṃyuttaṃ, 6. balakaraṇīyavaggo,

10. nāvāsuttaṃ SN 45.92, para.

1 ⇒

158. “seyyathāpi, bhikkhave, sāmuddikāya nāvāya vettabandhanabandhāya cha māsāni udake pariyādāya hemantikena thalaṃ ukkhittāya vātātapaparetāni bandhanāni tāni pāvussakena meghena abhippavuṭṭhāni appakasireneva paṭippassambhanti, pūtikāni bhavanti; evameva kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavanti . kathañca, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavanti? idha, bhikkhave, bhikkhu sammādiṭṭhiṃ bhāveti . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . evaṃ kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavantī”ti. dasamaṃ.

SN 5, 1. maggasaṃyuttaṃ, 6. balakaraṇīyavaggo,

11. āgantukasuttaṃ SN 45.93, para.

2 ⇒

“katame ca, bhikkhave, dhammā abhiññā pariññeyyā?

pañcupādānakkhandhātissa vacanīyaṃ.

katame pañca?

seyyathidaṃ — rūpupādānakkhandho . pe .

viññāṇupādānakkhandho.

ime, bhikkhave, dhammā abhiññā pariññeyyā.

katame ca, bhikkhave, dhammā abhiññā pahātabbā?

avijjā ca bhavataṇhā ca — ime, bhikkhave,

dhammā abhiññā pahātabbā.

katame ca, bhikkhave, dhammā abhiññā sacchikātabbā?

vijjā ca vimutti ca — ime, bhikkhave,

dhammā abhiññā sacchikātabbā.

katame ca, bhikkhave, dhammā abhiññā bhāvetabbā?

samatho ca vipassanā ca — ime, bhikkhave,

dhammā abhiññā bhāvetabbā.

kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto,

ye dhammā abhiññā pariññeyyā te dhamme abhiññā parijānāti . pe .

ye dhammā abhiññā bhāvetabbā, te dhamme abhiññā bhāveti?

idha, bhikkhave, bhikkhu sammādiṭṭhiṃ bhāveti . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento

ariyaṃ aṭṭhaṅgikaṃ maggaṃ bahulīkaronto ye dhammā abhiññā pariññeyyā,

te dhamme abhiññā parijānāti, ye dhammā abhiññā pahātabbā,

te dhamme abhiññā pajahati, ye dhammā abhiññā sacchikātabbā,

te dhamme abhiññā sacchikaroti, ye dhammā abhiññā bhāvetabbā,

te dhamme abhiññā bhāvetī”ti.

ekādasamaṃ.

SN 5, 1. maggasaṃyuttaṃ, 6. balakaraṇīyavaggo,

12. nadīsuttaṃ SN 45.94, para.

1 ⇒

16..

“seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā.

atha mahājanakāyo āgaccheyya kuddāla-piṭakaṃ ādāya — ‘mayaṃ imaṃ

gaṅgaṃ nadiṃ pacchāninnaṃ karissāma pacchāpoṇaṃ pacchāpabbhāran’ti.

taṃ kiṃ maññatha, bhikkhave, api nu so mahājanakāyo gaṅgaṃ nadiṃ pacchāninnaṃ kareyya pacchāpoṇaṃ pacchāpabbhāran”ti?

“no hetaṃ, bhante”.

“taṃ kissa hetu”?

“gaṅgā, bhante, nadī pācīnaninnā pācīnapoṇā pācīnapabbhārā.

sā na sukarā pacchāninnaṃ kātuṃ pacchāpoṇaṃ pacchāpabbhāraṃ.

yāvadeva pana so mahājanakāyo kilamathassa vighātassa bhāgī assā”ti.

“evameva kho, bhikkhave, bhikkhuṃ ariyaṃ aṭṭhaṅgikaṃ maggaṃ bhāventaṃ

ariyaṃ aṭṭhaṅgikaṃ maggaṃ bahulīkarontaṃ rājāno vā rājamahāmattā

vā mittā vā amaccā vā ñātī vā ñātisālohitā vā bhogehi abhihaṭṭhuṃ pavāreyyuṃ — ‘ehambho purisa,

kiṃ te ime kāsāvā anudahanti, kiṃ muṇḍo kapālamanusaṃcarasi!

ehi, hīnāyāvattitvā bhoge ca bhuñjassu,

puññāni ca karohī’ti.

so vata, bhikkhave, bhikkhu ariyaṃ aṭṭhaṅgikaṃ maggaṃ bhāvento

ariyaṃ aṭṭhaṅgikaṃ maggaṃ bahulīkaronto sikkhaṃ paccakkhāya hīnāyāvattissatīti — netaṃ ṭhānaṃ vijjati.

taṃ kissa hetu?

yañhi taṃ, bhikkhave, cittaṃ dīgharattaṃ vivekaninnaṃ vivekapoṇaṃ

vivekapabbhāraṃ taṃ vata hīnāyāvattissatīti — netaṃ ṭhānaṃ vijjati.

kathañca, bhikkhave, bhikkhu ariyaṃ aṭṭhaṅgikaṃ maggaṃ bhāveti ariyaṃ aṭṭhaṅgikaṃ maggaṃ bahulīkaroti?

idha, bhikkhave, bhikkhu sammādiṭṭhiṃ bhāveti vivekanissitaṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāveti,

ariyaṃ aṭṭhaṅgikaṃ maggaṃ bahulīkarotī”ti.

(yadapi balakaraṇīyaṃ, tadapi vitthāretabbaṃ.) dvādasamaṃ.

SN 5, 1. maggasaṃyuttaṃ, 7. esanāvaggo,

1. esanāsuttaṃ SN 45.95, para.

1 ⇒

161. sāvatthinidānaṃ . “tisso imā, bhikkhave, esanā. katamā tisso? kāmesanā, bhavesanā, brahmacariyesanā — imā kho, bhikkhave, tisso esanā. imāsaṃ kho, bhikkhave, tissannaṃ esanānaṃ abhiññāya ariyo aṭṭhaṅgiko maggo bhāvetabbo. katamo ariyo aṭṭhaṅgiko maggo? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. imāsaṃ kho, bhikkhave, tissannaṃ esanānaṃ abhiññāya ayaṃ ariyo aṭṭhaṅgiko maggo bhāvetabbo”ti.

SN 5, 1. maggasaṃyuttaṃ, 7. esanāvaggo,

1. esanāsuttaṃ SN 45.95, para.

7 ⇒

“tisso imā, bhikkhave, esanā.

katamā tisso?

kāmesanā, bhavesanā, brahmacariyesanā — imā kho,

bhikkhave, tisso esanā.

imāsaṃ kho, bhikkhave, tissannaṃ esanānaṃ pahānāya ariyo aṭṭhaṅgiko maggo bhāvetabbo.

katamo ariyo aṭṭhaṅgiko maggo?

idha, bhikkhave, bhikkhu sammādiṭṭhiṃ bhāveti . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

imāsaṃ kho, bhikkhave, tissannaṃ esanānaṃ pahānāya ayaṃ ariyo aṭṭhaṅgiko maggo bhāvetabbo”ti.

(yadapi abhiññā, tadapi pahānāya vitthāretabbaṃ.) paṭhamaṃ.

SN 5, 1. maggasaṃyuttaṃ, 7. esanāvaggo,

2. vidhāsuttaṃ SN 45.96, para.

1 ⇒

162. “tisso imā, bhikkhave, vidhā. katamā tisso? ‘seyyohamasmī’ti vidhā, ‘sadisohamasmī’ti vidhā, ‘hīnohamasmī’ti vidhā — imā kho, bhikkhave, tisso vidhā. imāsaṃ kho, bhikkhave, tissannaṃ vidhānaṃ abhiññāya pariññāya parikkhayāya pahānāya ariyo aṭṭhaṅgiko maggo bhāvetabbo. katamo ariyo aṭṭhaṅgiko maggo? idha, bhikkhave, bhikkhu sammādiṭṭhiṃ bhāveti . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . imāsaṃ kho, bhikkhave tissannaṃ vidhānaṃ abhiññāya pariññāya parikkhayāya pahānāya ayaṃ ariyo aṭṭhaṅgiko maggo bhāvetabbo”ti. (yathā esanā, evaṃ vitthāretabbaṃ). dutiyaṃ.

SN 5, 1. maggasaṃyuttaṃ, 7. esanāvaggo,

10. taṇhāsuttaṃ SN 45.104, para.

1 ⇒

17..

“tisso imā, bhikkhave, taṇhā.

katamā tisso?

kāmataṇhā, bhavataṇhā, vibhavataṇhā — imā kho,

bhikkhave, tisso taṇhā.

imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya . pe .

ayaṃ ariyo aṭṭhaṅgiko maggo bhāvetabbo.

katamo ariyo aṭṭhaṅgiko maggo?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya . pe .

ayaṃ ariyo aṭṭhaṅgiko maggo bhāvetabbo”ti.

dasamaṃ.

SN 5, 1. maggasaṃyuttaṃ, 8. oghavaggo,

10. uddhambhāgiyasuttaṃ SN 45.115, para.

1 ⇒

181. “pañcimāni, bhikkhave, uddhambhāgiyāni saṃyojanāni. katamāni pañca? rūparāgo, arūparāgo, māno, uddhaccaṃ, avijjā — imāni kho, bhikkhave, pañcuddhambhāgiyāni saṃyojanāni. imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya ariyo aṭṭhaṅgiko maggo bhāvetabbo. katamo ariyo aṭṭhaṅgiko maggo? idha, bhikkhave, bhikkhu sammādiṭṭhiṃ bhāveti vivekanissitaṃ . pe . sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya ayaṃ ariyo aṭṭhaṅgiko maggo bhāvetabbo”ti.

SN 5, 2. bojjhaṅgasaṃyuttaṃ, 1. pabbatavaggo,

1. himavantasuttaṃ SN 46.1, para.

1 ⇒

182. sāvatthinidānaṃ . “seyyathāpi, bhikkhave, himavantaṃ pabbatarājānaṃ nissāya nāgā kāyaṃ vaḍḍhenti, balaṃ gāhenti; te tattha kāyaṃ vaḍḍhetvā balaṃ gāhetvā kusobbhe otaranti, kusobbhe otaritvā mahāsobbhe otaranti, mahāsobbhe otaritvā kunnadiyo otaranti, kunnadiyo otaritvā mahānadiyo otaranti, mahānadiyo otaritvā mahāsamuddasāgaraṃ otaranti; te tattha mahantattaṃ vepullattaṃ āpajjanti kāyena; evameva kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāvento satta bojjhaṅge bahulīkaronto mahantattaṃ vepullattaṃ pāpuṇāti dhammesu. kathañca, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāvento satta bojjhaṅge bahulīkaronto mahantattaṃ vepullattaṃ pāpuṇāti dhammesūti? idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ; dhammavicayasambojjhaṅgaṃ bhāveti . pe . vīriyasambojjhaṅgaṃ bhāveti . pe . pītisambojjhaṅgaṃ bhāveti . pe . passaddhisambojjhaṅgaṃ bhāveti . pe . samādhisambojjhaṅgaṃ bhāveti . pe . upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāvento satta bojjhaṅge bahulīkaronto mahantattaṃ vepullattaṃ pāpuṇāti dhammesū”ti. paṭhamaṃ.

SN 5, 2. bojjhaṅgasaṃyuttaṃ, 1. pabbatavaggo,

5. bhikkhusuttaṃ SN 46.5, para.

1 ⇒

186. sāvatthinidānaṃ. atha kho aññataro bhikkhu yena bhagavā tenupasaṅkami . pe . ekamantaṃ nisinno kho so bhikkhu bhagavantaṃ etadavoca — “‘bojjhaṅgā, bojjhaṅgā’ti, bhante, vuccanti. kittāvatā nu kho, bhante, ‘bojjhaṅgā’ti vuccantī”ti? “bodhāya saṃvattantīti kho, bhikkhu, tasmā ‘bojjhaṅgā’ti vuccanti. idha, bhikkhu, satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. tassime satta bojjhaṅge bhāvayato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. vimuttasmiṃ vimuttamiti ñāṇaṃ hoti. ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. bodhāya saṃvattantīti, bhikkhu, tasmā ‘bojjhaṅgā’ti vuccantī”ti. pañcamaṃ.

SN 5, 2. bojjhaṅgasaṃyuttaṃ, 1. pabbatavaggo,

6. kuṇḍaliyasuttaṃ SN 46.6, para.

8 ⇒

“kathaṃ bhāvitā ca, kuṇḍaliya, satta bojjhaṅgā kathaṃ bahulīkatā vijjāvimuttiṃ paripūrenti?

idha, kuṇḍaliya, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, kuṇḍaliya, satta bojjhaṅgā evaṃ bahulīkatā vijjāvimuttiṃ paripūrentī”ti.

SN 5, 2. bojjhaṅgasaṃyuttaṃ, 1. pabbatavaggo,

7. kūṭāgārasuttaṃ SN 46.7, para.

2 ⇒

“kathañca, bhikkhave, bhikkhu satta bojjhaṅge bhāvento satta

bojjhaṅge bahulīkaronto nibbānaninno hoti nibbānapoṇo nibbānapabbhāro ?

idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu satta bojjhaṅge bhāvento satta bojjhaṅge

bahulīkaronto nibbānaninno hoti nibbānapoṇo nibbānapabbhāro”ti.

sattamaṃ.

SN 5, 2. bojjhaṅgasaṃyuttaṃ, 2. gilānavaggo,

1. pāṇasuttaṃ SN 46.11, para.

2 ⇒

“kathañca, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti satta bojjhaṅge bahulīkaroti?

idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti,

satta bojjhaṅge bahulīkarotī”ti.

paṭhamaṃ.

SN 5, 2. bojjhaṅgasaṃyuttaṃ, 2. gilānavaggo,

2. paṭhamasūriyūpamasuttaṃ SN 46.12,

para.

2 ⇒

“kathañca, bhikkhave, bhikkhu kalyāṇamitto satta bojjhaṅge bhāveti satta bojjhaṅge bahulīkaroti?

idha, bhikkhave, bhikkhu satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu kalyāṇamitto satta bojjhaṅge bhāveti,

satta bojjhaṅge bahulīkarotī”ti.

dutiyaṃ.

SN 5, 2. bojjhaṅgasaṃyuttaṃ, 2. gilānavaggo,

3. dutiyasūriyūpamasuttaṃ SN 46.13,

para.

2 ⇒

“kathañca, bhikkhave, bhikkhu yonisomanasikārasampanno satta bojjhaṅge bhāveti,

satta bojjhaṅge bahulīkaroti?

idha, bhikkhave, bhikkhu satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu yonisomanasikārasampanno satta bojjhaṅge bhāveti,

satta bojjhaṅge bahulīkarotī”ti.

tatiyaṃ.

SN 5, 2. bojjhaṅgasaṃyuttaṃ, 3. udāyivaggo,

1. bodhāyasuttaṃ SN 46.21, para.

2 ⇒

“‘bojjhaṅgā, bojjhaṅgā’ti, bhante, vuccanti.

kittāvatā nu kho, bhante, ‘bojjhaṅgā’ti vuccantī”ti?

“‘bodhāya saṃvattantī’ti kho, bhikkhu,

tasmā bojjhaṅgāti vuccanti.

idha, bhikkhu, satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

‘bodhāya saṃvattantī’ti kho, bhikkhu,

tasmā ‘bojjhaṅgā’ti vuccantī”ti.

paṭhamaṃ.

SN 5, 2. bojjhaṅgasaṃyuttaṃ, 3. udāyivaggo,

6. taṇhakkhayasuttaṃ SN 46.26, para.

2 ⇒

“idha, udāyi, bhikkhu satisambojjhaṅgaṃ bhāveti vivekanissitaṃ

virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ .

tassa satisambojjhaṅgaṃ bhāvayato vivekanissitaṃ virāganissitaṃ

nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati.

taṇhāya pahānā kammaṃ pahīyati.

kammassa pahānā dukkhaṃ pahīyati . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ

vossaggapariṇāmiṃ vipulaṃ mahaggataṃ appamāṇaṃ abyāpajjaṃ.

tassa upekkhāsambojjhaṅgaṃ bhāvayato vivekanissitaṃ virāganissitaṃ

nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ taṇhā pahīyati taṇhāya pahānā kammaṃ pahīyati .

kammassa pahānā dukkhaṃ pahīyati.

iti kho, udāyi, taṇhakkhayā kammakkhayo,

kammakkhayā dukkhakkhayo”ti.

chaṭṭhaṃ.

SN 5, 2. bojjhaṅgasaṃyuttaṃ, 3. udāyivaggo,

7. taṇhānirodhasuttaṃ SN 46.27, para.

2 ⇒

“idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, satta bojjhaṅgā evaṃ bahulīkatā taṇhānirodhāya saṃvattantī”ti.

sattamaṃ.

SN 5, 2. bojjhaṅgasaṃyuttaṃ, 3. udāyivaggo,

8. nibbedhabhāgiyasuttaṃ SN 46.28, para.

2 ⇒

“idha, udāyi, bhikkhu satisambojjhaṅgaṃ bhāveti vivekanissitaṃ

virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ.

so satisambojjhaṅgaṃ bhāvitena cittena anibbiddhapubbaṃ appadālitapubbaṃ

lobhakkhandhaṃ nibbijjhati padāleti; anibbiddhapubbaṃ appadālitapubbaṃ

dosakkhandhaṃ nibbijjhati padāleti; anibbiddhapubbaṃ appadālitapubbaṃ mohakkhandhaṃ nibbijjhati padāleti . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ

vossaggapariṇāmiṃ vipulaṃ mahaggataṃ appamāṇaṃ abyāpajjaṃ.

so upekkhāsambojjhaṅgaṃ bhāvitena cittena anibbiddhapubbaṃ appadālitapubbaṃ

lobhakkhandhaṃ nibbijjhati padāleti; anibbiddhapubbaṃ appadālitapubbaṃ

dosakkhandhaṃ nibbijjhati padāleti; anibbiddhapubbaṃ appadālitapubbaṃ mohakkhandhaṃ nibbijjhati padāleti.

evaṃ bhāvitā kho, udāyi, satta bojjhaṅgā evaṃ bahulīkatā nibbedhāya saṃvattantī”ti.

aṭṭhamaṃ.

SN 5, 2. bojjhaṅgasaṃyuttaṃ, 3. udāyivaggo,

9. ekadhammasuttaṃ SN 46.29, para.

2 ⇒

“idha, bhikkhave, bhikkhu satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, satta bojjhaṅgā evaṃ bahulīkatā saṃyojanīyānaṃ dhammānaṃ pahānāya saṃvattanti.

SN 5, 2. bojjhaṅgasaṃyuttaṃ, 4. nīvaraṇavaggo,

1. paṭhamakusalasuttaṃ SN 46.31, para.

2 ⇒

“kathañca, bhikkhave, bhikkhu appamatto satta bojjhaṅge bhāveti,

satta bojjhaṅge bahulīkaroti ?

idha, bhikkhave, bhikkhu satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu appamatto satta bojjhaṅge bhāveti,

satta bojjhaṅge bahulīkarotī”ti.

paṭhamaṃ.

SN 5, 2. bojjhaṅgasaṃyuttaṃ, 4. nīvaraṇavaggo,

2. dutiyakusalasuttaṃ SN 46.32, para.

2 ⇒

“kathañca, bhikkhave, bhikkhu yonisomanasikārasampanno satta bojjhaṅge bhāveti,

satta bojjhaṅge bahulīkaroti?

idha, bhikkhave, bhikkhu satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu yonisomanasikārasampanno satta bojjhaṅge bhāveti,

satta bojjhaṅge bahulīkarotī”ti.

dutiyaṃ.

SN 5, 2. bojjhaṅgasaṃyuttaṃ, 5. cakkavattivaggo,

8. ādiccasuttaṃ SN 46.48, para.

1 ⇒

229. “ādiccassa, bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ — aruṇuggaṃ. evameva kho, bhikkhave, bhikkhuno sattannaṃ bojjhaṅgānaṃ uppādāya etaṃ pubbaṅgamaṃ etaṃ pubbanimittaṃ, yadidaṃ — kalyāṇamittatā. kalyāṇamittassetaṃ, bhikkhave, bhikkhuno pāṭikaṅkhaṃ — satta bojjhaṅge bhāvessati, satta bojjhaṅge bahulīkarissati. kathañca, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkaroti? idha, bhikkhave, bhikkhu satisambojjhaṅgaṃ bhāveti vivekanissitaṃ . pe . upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkarotī”ti. aṭṭhamaṃ.

SN 5, 2. bojjhaṅgasaṃyuttaṃ, 5. cakkavattivaggo,

9. ajjhattikaṅgasuttaṃ SN 46.49, para.

1 ⇒

23..

“ajjhattikaṃ, bhikkhave, aṅganti karitvā nāññaṃ ekaṅgampi samanupassāmi sattannaṃ bojjhaṅgānaṃ uppādāya,

yathayidaṃ — bhikkhave, yonisomanasikāro.

yonisomanasikārasampannassetaṃ, bhikkhave,

bhikkhuno pāṭikaṅkhaṃ — satta bojjhaṅge bhāvessati,

satta bojjhaṅge bahulīkarissati.

kathañca, bhikkhave, bhikkhu yonisomanasikārasampanno satta bojjhaṅge bhāveti,

satta bojjhaṅge bahulīkaroti?

idha, bhikkhave, bhikkhu satisambojjhaṅgaṃ bhāveti vivekanissitaṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu yonisomanasikārasampanno satta bojjhaṅge bhāveti,

satta bojjhaṅge bahulīkarotī”ti.

navamaṃ.

SN 5, 2. bojjhaṅgasaṃyuttaṃ, 5. cakkavattivaggo,

10. bāhiraṅgasuttaṃ SN 46.50, para.

1 ⇒

231. “bāhiraṃ, bhikkhave, aṅganti karitvā nāññaṃ ekaṅgampi samanupassāmi sattannaṃ bojjhaṅgānaṃ uppādāya, yathayidaṃ — bhikkhave, kalyāṇamittatā. kalyāṇamittassetaṃ, bhikkhave, bhikkhuno pāṭikaṅkhaṃ — satta bojjhaṅge bhāvessati, satta bojjhaṅge bahulīkarissati. kathañca, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkaroti? idha, bhikkhave, bhikkhu satisambojjhaṅgaṃ bhāveti vivekanissitaṃ . pe . upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ kho, bhikkhave, bhikkhu kalyāṇamitto satta bojjhaṅge bhāveti, satta bojjhaṅge bahulīkarotī”ti. dasamaṃ.

SN 5, 2. bojjhaṅgasaṃyuttaṃ, 6. sākacchavaggo,

4. mettāsahagatasuttaṃ SN 46.54, para.

12 ⇒

“kathaṃ bhāvitā ca, bhikkhave, mettācetovimutti,

kiṃgatikā hoti, kiṃparamā, kiṃphalā,

kiṃpariyosānā?

idha, bhikkhave, bhikkhu mettāsahagataṃ satisambojjhaṅgaṃ bhāveti . pe .

mettāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

so sace ākaṅkhati ‘appaṭikūle paṭikūlasaññī vihareyyan’ti,

paṭikūlasaññī tattha viharati.

sace ākaṅkhati ‘paṭikūle appaṭikūlasaññī vihareyyan’ti,

appaṭikūlasaññī tattha viharati.

sace ākaṅkhati ‘appaṭikūle ca paṭikūle ca paṭikūlasaññī vihareyyan’ti,

paṭikūlasaññī tattha viharati.

sace ākaṅkhati ‘paṭikūle ca appaṭikūle ca appaṭikūlasaññī vihareyyan’ti,

appaṭikūlasaññī tattha viharati.

sace ākaṅkhati ‘appaṭikūlañca paṭikūlañca tadubhayaṃ abhinivajjetvā upekkhako vihareyyaṃ sato sampajāno’ti,

upekkhako ca tattha viharati sato sampajāno,

subhaṃ vā kho pana vimokkhaṃ upasampajja viharati.

subhaparamāhaṃ, bhikkhave, mettācetovimuttiṃ vadāmi,

idhapaññassa bhikkhuno uttarivimuttiṃ appaṭivijjhato.

SN 5, 2. bojjhaṅgasaṃyuttaṃ, 6. sākacchavaggo,

4. mettāsahagatasuttaṃ SN 46.54, para.

13 ⇒

“kathaṃ bhāvitā ca, bhikkhave, karuṇācetovimutti,

kiṃgatikā hoti, kiṃparamā, kiṃphalā,

kiṃpariyosānā?

idha, bhikkhave, bhikkhu karuṇāsahagataṃ satisambojjhaṅgaṃ bhāveti . pe .

karuṇāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ .

so sace ākaṅkhati ‘appaṭikūle paṭikūlasaññī vihareyyan’ti,

paṭikūlasaññī tattha viharati . pe .

sace ākaṅkhati ‘appaṭikūlañca paṭikūlañca tadubhayaṃ abhinivajjetvā upekkhako vihareyyaṃ sato sampajāno’ti,

upekkhako tattha viharati sato sampajāno.

sabbaso vā pana rūpasaññānaṃ samatikkamā paṭighasaññānaṃ atthaṅgamā

nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati.

ākāsānañcāyatanaparamāhaṃ, bhikkhave,

karuṇācetovimuttiṃ vadāmi, idhapaññassa bhikkhuno uttarivimuttiṃ appaṭivijjhato.

SN 5, 2. bojjhaṅgasaṃyuttaṃ, 6. sākacchavaggo,

4. mettāsahagatasuttaṃ SN 46.54, para.

14 ⇒

“kathaṃ bhāvitā ca, bhikkhave, muditācetovimutti,

kiṃgatikā hoti, kiṃparamā, kiṃphalā,

kiṃpariyosānā?

idha, bhikkhave, bhikkhu muditāsahagataṃ satisambojjhaṅgaṃ bhāveti . pe .

muditāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

so sace ākaṅkhati ‘appaṭikūle paṭikūlasaññī vihareyyan’ti,

paṭikūlasaññī tattha viharati . pe .

sace ākaṅkhati ‘appaṭikūlañca paṭikūlañca tadubhayaṃ abhinivajjetvā upekkhako vihareyyaṃ sato sampajāno’ti,

upekkhako tattha viharati sato sampajāno.

sabbaso vā pana ākāsānañcāyatanaṃ samatikkamma ‘anantaṃ viññāṇan’ti viññāṇañcāyatanaṃ upasampajja viharati.

viññāṇañcāyatanaparamāhaṃ, bhikkhave,

muditācetovimuttiṃ vadāmi, idhapaññassa bhikkhuno uttarivimuttiṃ appaṭivijjhato.

SN 5, 2. bojjhaṅgasaṃyuttaṃ, 6. sākacchavaggo,

4. mettāsahagatasuttaṃ SN 46.54, para.

15 ⇒

“kathaṃ bhāvitā ca, bhikkhave, upekkhācetovimutti,

kiṃgatikā hoti, kiṃparamā, kiṃphalā,

kiṃpariyosānā?

idha, bhikkhave, bhikkhu upekkhāsahagataṃ satisambojjhaṅgaṃ bhāveti

vivekanissitaṃ virāganissitaṃ nirodhanissitaṃ vossaggapariṇāmiṃ . pe .

upekkhāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

so sace ākaṅkhati ‘appaṭikūle paṭikūlasaññī vihareyyan’ti,

paṭikūlasaññī tattha viharati.

sace ākaṅkhati ‘paṭikūle appaṭikūlasaññī vihareyyan’ti,

appaṭikūlasaññī tattha viharati.

sace ākaṅkhati ‘appaṭikūle ca paṭikūle ca paṭikūlasaññī vihareyyan’ti,

paṭikūlasaññī tattha viharati.

sace ākaṅkhati ‘paṭikūle ca appaṭikūle ca appaṭikūlasaññī vihareyyan’ti,

appaṭikūlasaññī tattha viharati.

sace ākaṅkhati ‘appaṭikūlañca paṭikūlañca tadubhayaṃ abhinivajjetvā upekkhako vihareyyaṃ sato sampajāno’ti,

upekkhako tattha viharati sato sampajāno.

sabbaso vā pana viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati.

ākiñcaññāyatanaparamāhaṃ, bhikkhave, upekkhācetovimuttiṃ vadāmi,

idhapaññassa bhikkhuno uttarivimuttiṃ appaṭivijjhato”ti.

catutthaṃ.

SN 5, 2. bojjhaṅgasaṃyuttaṃ, 6. sākacchavaggo,

6. abhayasuttaṃ SN 46.56, para.

5 ⇒

“katamo pana, bhante, hetu, katamo paccayo ñāṇāya dassanāya?

kathaṃ sahetu, sappaccayo ñāṇaṃ dassanaṃ hotī”ti?

“idha, rājakumāra, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

so satisambojjhaṅgaṃ bhāvitena cittena yathābhūtaṃ jānāti passati — ayampi kho,

rājakumāra, hetu, ayaṃ paccayo ñāṇāya dassanāya.

evampi sahetu, sappaccayo ñāṇaṃ dassanaṃ hoti.

SN 5, 2. bojjhaṅgasaṃyuttaṃ, 6. sākacchavaggo,

6. abhayasuttaṃ SN 46.56, para.

6 ⇒

“puna caparaṃ, rājakumāra, bhikkhu . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

so upekkhāsambojjhaṅgaṃ bhāvitena cittena yathābhūtaṃ jānāti passati — ayampi kho,

rājakumāra, hetu, ayaṃ paccayo ñāṇāya dassanāya.

evaṃ sahetu, sappaccayo ñāṇaṃ dassanaṃ hotī”ti.

SN 5, 2. bojjhaṅgasaṃyuttaṃ, 7. ānāpānavaggo,

1. aṭṭhikamahapphalasuttaṃ SN 46.57,

para.

1 ⇒

238. sāvatthinidānaṃ . “aṭṭhikasaññā, bhikkhave, bhāvitā bahulīkatā mahapphalā hoti mahānisaṃsā. kathaṃ bhāvitā ca, bhikkhave, aṭṭhikasaññā kathaṃ bahulīkatā mahapphalā hoti mahānisaṃsā? idha, bhikkhave, bhikkhu aṭṭhikasaññāsahagataṃ satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . aṭṭhikasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ bhāvitā kho, bhikkhave, aṭṭhikasaññā evaṃ bahulīkatā mahapphalā hoti mahānisaṃsā”ti.

SN 5, 2. bojjhaṅgasaṃyuttaṃ, 7. ānāpānavaggo,

aññataraphalasuttaṃ SN 46.58, para.

1 ⇒

“aṭṭhikasaññāya, bhikkhave, bhāvitāya bahulīkatāya dvinnaṃ phalānaṃ aññataraṃ phalaṃ pāṭikaṅkhaṃ — diṭṭheva dhamme aññā,

sati vā upādisese anāgāmitā.

kathaṃ bhāvitāya ca kho, bhikkhave, aṭṭhikasaññāya kathaṃ bahulīkatāya

dvinnaṃ phalānaṃ aññataraṃ phalaṃ pāṭikaṅkhaṃ — diṭṭheva dhamme aññā,

sati vā upādisese anāgāmitā?

idha, bhikkhave, bhikkhu aṭṭhikasaññāsahagataṃ satisambojjhaṅgaṃ bhāveti . pe .

aṭṭhikasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitāya kho, bhikkhave, aṭṭhikasaññāya evaṃ bahulīkatāya

dvinnaṃ phalānaṃ aññataraṃ phalaṃ pāṭikaṅkhaṃ — diṭṭheva dhamme aññā,

sati vā upādisese anāgāmitā”ti.

SN 5, 2. bojjhaṅgasaṃyuttaṃ, 7. ānāpānavaggo,

mahatthasuttaṃ SN 46.59, para.

1 ⇒

“aṭṭhikasaññā, bhikkhave, bhāvitā bahulīkatā mahato atthāya saṃvattati.

kathaṃ bhāvitā ca, bhikkhave, aṭṭhikasaññā kathaṃ bahulīkatā mahato atthāya saṃvattati?

idha, bhikkhave, bhikkhu aṭṭhikasaññāsahagataṃ satisambojjhaṅgaṃ bhāveti . pe .

aṭṭhikasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, aṭṭhikasaññā evaṃ bahulīkatā mahato atthāya saṃvattatī”ti.

SN 5, 2. bojjhaṅgasaṃyuttaṃ, 7. ānāpānavaggo,

yogakkhemasuttaṃ SN 46.60, para.

1 ⇒

“aṭṭhikasaññā, bhikkhave, bhāvitā bahulīkatā mahato yogakkhemāya saṃvattati.

kathaṃ bhāvitā ca, bhikkhave, aṭṭhikasaññā kathaṃ bahulīkatā mahato yogakkhemāya saṃvattati?

idha, bhikkhave, bhikkhu aṭṭhikasaññāsahagataṃ satisambojjhaṅgaṃ bhāveti . pe .

aṭṭhikasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, aṭṭhikasaññā evaṃ bahulīkatā mahato yogakkhemāya saṃvattatī”ti.

SN 5, 2. bojjhaṅgasaṃyuttaṃ, 7. ānāpānavaggo,

saṃvegasuttaṃ SN 46.61, para.

1 ⇒

“aṭṭhikasaññā, bhikkhave, bhāvitā bahulīkatā mahato saṃvegāya saṃvattati.

kathaṃ bhāvitā ca, bhikkhave, aṭṭhikasaññā kathaṃ bahulīkatā mahato saṃvegāya saṃvattati?

idha, bhikkhave, bhikkhu aṭṭhikasaññāsahagataṃ satisambojjhaṅgaṃ bhāveti . pe .

aṭṭhikasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, aṭṭhikasaññā evaṃ bahulīkatā mahato saṃvegāya saṃvattatī”ti.

SN 5, 2. bojjhaṅgasaṃyuttaṃ, 7. ānāpānavaggo,

phāsuvihārasuttaṃ SN 46.62, para.

1 ⇒

“aṭṭhikasaññā, bhikkhave, bhāvitā bahulīkatā mahato phāsuvihārāya saṃvattati.

kathaṃ bhāvitā ca, bhikkhave, aṭṭhikasaññā kathaṃ bahulīkatā mahato phāsuvihārāya saṃvattati?

idha, bhikkhave, bhikkhu aṭṭhikasaññāsahagataṃ satisambojjhaṅgaṃ bhāveti . pe .

aṭṭhikasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, aṭṭhikasaññā evaṃ bahulīkatā mahato phāsuvihārāya saṃvattatī”ti.

paṭhamaṃ.

SN 5, 2. bojjhaṅgasaṃyuttaṃ, 8. nirodhavaggo,

10. nirodhasuttaṃ SN 46.81, para.

1 ⇒

257. “nirodhasaññā, bhikkhave, bhāvitā bahulīkatā mahapphalā hoti mahānisaṃsā. kathaṃ bhāvitā ca, bhikkhave, nirodhasaññā kathaṃ bahulīkatā mahapphalā hoti mahānisaṃsā? idha, bhikkhave, bhikkhu nirodhasaññāsahagataṃ satisambojjhaṅgaṃ bhāveti . pe . nirodhasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ bhāvitā kho, bhikkhave, nirodhasaññā evaṃ bahulīkatā mahapphalā hoti mahānisaṃsāti.

SN 5, 2. bojjhaṅgasaṃyuttaṃ, 8. nirodhavaggo,

10. nirodhasuttaṃ SN 46.81, para.

2 ⇒

“nirodhasaññāya, bhikkhave, bhāvitāya bahulīkatāya dvinnaṃ phalānaṃ aññataraṃ phalaṃ pāṭikaṅkhaṃ — diṭṭheva dhamme aññā,

sati vā upādisese anāgāmitā.

kathaṃ bhāvitāya, bhikkhave, nirodhasaññāya kathaṃ bahulīkatāya

dvinnaṃ phalānaṃ aññataraṃ phalaṃ pāṭikaṅkhaṃ — diṭṭheva dhamme aññā,

sati vā upādisese anāgāmitā?

idha, bhikkhave, bhikkhu nirodhasaññāsahagataṃ satisambojjhaṅgaṃ bhāveti . pe .

nirodhasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitāya kho, bhikkhave, nirodhasaññāya evaṃ bahulīkatāya

dvinnaṃ phalānaṃ aññataraṃ phalaṃ pāṭikaṅkhaṃ — diṭṭheva dhamme aññā,

sati vā upādisese anāgāmitā”ti.

SN 5, 2. bojjhaṅgasaṃyuttaṃ, 8. nirodhavaggo,

10. nirodhasuttaṃ SN 46.81, para.

3 ⇒

“nirodhasaññā, bhikkhave, bhāvitā bahulīkatā mahato atthāya saṃvattati,

mahato yogakkhemāya saṃvattati, mahato saṃvegāya saṃvattati,

mahato phāsuvihārāya saṃvattati.

kathaṃ bhāvitā ca, bhikkhave, nirodhasaññā kathaṃ bahulīkatā mahato atthāya saṃvattati,

mahato yogakkhemāya saṃvattati, mahato saṃvegāya saṃvattati,

mahato phāsuvihārāya saṃvattati?

idha, bhikkhave, bhikkhu nirodhasaññāsahagataṃ satisambojjhaṅgaṃ bhāveti . pe .

nirodhasaññāsahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, nirodhasaññā evaṃ bahulīkatā mahato atthāya saṃvattati,

mahato yogakkhemāya saṃvattati, mahato saṃvegāya saṃvattati,

mahato phāsuvihārāya saṃvattatī”ti.

dasamaṃ.

SN 5, 2. bojjhaṅgasaṃyuttaṃ, 9. gaṅgāpeyyālavaggo SN 46.82,

para.

1 ⇒

258-269. “seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho,

bhikkhave, bhikkhu satta bojjhaṅge bhāvento satta bojjhaṅge

bahulīkaronto nibbānaninno hoti nibbānapoṇo nibbānapabbhāro.

kathañca, bhikkhave, bhikkhu satta bojjhaṅge bhāvento satta bojjhaṅge

bahulīkaronto nibbānaninno hoti nibbānapoṇo nibbānapabbhāro?

idha, bhikkhave, bhikkhu satisambojjhaṅgaṃ bhāveti . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

evaṃ kho, bhikkhave, bhikkhu satta bojjhaṅge bhāvento satta bojjhaṅge

bahulīkaronto nibbānaninno hoti nibbānapoṇo nibbānapabbhāro”ti.

(yāva esanā pāḷi vitthāretabbā).

SN 5, 2. bojjhaṅgasaṃyuttaṃ, 13. oghavaggo,

10. uddhambhāgiyasuttaṃ SN 46.87, para.

1 ⇒

311. sāvatthinidānaṃ. “pañcimāni, bhikkhave, uddhambhāgiyāni saṃyojanāni. katamāni pañca? rūparāgo, arūparāgo, māno, uddhaccaṃ, avijjā — imāni kho, bhikkhave, pañcuddhambhāgiyāni saṃyojanāni. imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya satta bojjhaṅgā bhāvetabbā. katame satta? idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe . upekkhāsambojjhaṅgaṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. amatogadhaṃ amataparāyanaṃ amatapariyosānaṃ. nibbānaninnaṃ nibbānapoṇaṃ nibbānapabbhāraṃ. imesaṃ kho, bhikkhave, bhikkhu pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya ime satta bojjhaṅgā bhāvetabbā”ti. dasamaṃ.

SN 5, 4. indriyasaṃyuttaṃ, 1. suddhikavaggo,

9. paṭhamavibhaṅgasuttaṃ SN 48.9, para.

4 ⇒

“katamañca, bhikkhave, samādhindriyaṃ?

idha, bhikkhave, ariyasāvako vossaggārammaṇaṃ karitvā labhati samādhiṃ,

labhati cittassa ekaggataṃ — idaṃ vuccati,

bhikkhave, samādhindriyaṃ.

SN 5, 4. indriyasaṃyuttaṃ, 1. suddhikavaggo,

10. dutiyavibhaṅgasuttaṃ SN 48.10, para.

4 ⇒

“katamañca, bhikkhave, samādhindriyaṃ?

idha, bhikkhave, ariyasāvako vossaggārammaṇaṃ karitvā labhati samādhiṃ,

labhati cittassa ekaggataṃ.

so vivicceva kāmehi vivicca akusalehi dhammehi savitakkaṃ savicāraṃ

vivekajaṃ pītisukhaṃ paṭhamaṃ jhānaṃ upasampajja viharati.

vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ

avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati.

pītiyā ca virāgā upekkhako ca viharati sato ca sampajāno sukhañca

kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati.

sukhassa ca pahānā dukkhassa ca pahānā pubbeva somanassadomanassānaṃ

atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati — idaṃ vuccati,

bhikkhave, samādhindriyaṃ.

SN 5, 4. indriyasaṃyuttaṃ, 2. mudutaravaggo,

1. paṭilābhasuttaṃ SN 48.11, para.

4 ⇒

“katamañca, bhikkhave, samādhindriyaṃ?

idha, bhikkhave, ariyasāvako vossaggārammaṇaṃ karitvā labhati samādhiṃ,

labhati cittassa ekaggataṃ — idaṃ vuccati,

bhikkhave, samādhindriyaṃ.

SN 5, 4. indriyasaṃyuttaṃ, 5. jarāvaggo,

10. āpaṇasuttaṃ SN 48.50, para.

4 ⇒

“saddhassa hi, bhante, ariyasāvakassa āraddhavīriyassa upaṭṭhitassatino

etaṃ pāṭikaṅkhaṃ yaṃ vossaggārammaṇaṃ karitvā labhissati samādhiṃ,

labhissati cittassa ekaggataṃ.

yo hissa, bhante, samādhi tadassa samādhindriyaṃ.

SN 5, 4. indriyasaṃyuttaṃ, 5. jarāvaggo,

10. āpaṇasuttaṃ SN 48.50, para.

9 ⇒

“saddhassa hi, sāriputta, ariyasāvakassa āraddhavīriyassa upaṭṭhitassatino

etaṃ pāṭikaṅkhaṃ yaṃ vossaggārammaṇaṃ karitvā labhissati samādhiṃ,

labhissati cittassa ekaggataṃ.

yo hissa, sāriputta, samādhi tadassa samādhindriyaṃ.

SN 5, 4. indriyasaṃyuttaṃ, 8. gaṅgāpeyyālavaggo SN 48.71,

para.

1 ⇒

541-552. “seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho,

bhikkhave, bhikkhu pañcindriyāni bhāvento pañcindriyāni bahulīkaronto nibbānaninno hoti nibbānapoṇo nibbānapabbhāro.

kathañca, bhikkhave, bhikkhu pañcindriyāni bhāvento pañcindriyāni

bahulīkaronto nibbānaninno hoti nibbānapoṇo nibbānapabbhāro?

idha, bhikkhave, bhikkhu saddhindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

vīriyindriyaṃ . pe .

satindriyaṃ.

samādhindriyaṃ.

paññindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu pañcindriyāni bhāvento pañcindriyāni

bahulīkaronto nibbānaninno hoti nibbānapoṇo nibbānapabbhāro”ti.

dvādasamaṃ.

SN 5, 4. indriyasaṃyuttaṃ, 12. oghavaggo SN 48.72,

para.

1 ⇒

587-596. “pañcimāni, bhikkhave, uddhambhāgiyāni saṃyojanāni.

katamāni pañca?

rūparāgo, arūparāgo, māno, uddhaccaṃ,

avijjā — imāni kho, bhikkhave, pañcuddhambhāgiyāni saṃyojanāni.

imesaṃ kho, bhikkhave, pañcannaṃ uddhambhāgiyānaṃ saṃyojanānaṃ

abhiññāya pariññāya parikkhayāya pahānāya pañcindriyāni bhāvetabbāni.

katamāni pañca?

idha, bhikkhave, bhikkhu saddhindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

paññindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

imesaṃ kho, bhikkhave, pañcannaṃ uddhambhāgiyānaṃ saṃyojanānaṃ

abhiññāya pariññāya parikkhayāya pahānāya imāni pañcindriyāni bhāvetabbānī”ti.

dasamaṃ.

(yathā maggasaṃyuttaṃ, tathā vitthāretabbaṃ.)

SN 5, 6. balasaṃyuttaṃ, 1. gaṅgāpeyyālavaggo SN 50.1,

para.

1 ⇒

7.5-716. “pañcimāni, bhikkhave, balāni.

katamāni pañca?

saddhābalaṃ, vīriyabalaṃ, satibalaṃ, samādhibalaṃ,

paññābalaṃ — imāni kho, bhikkhave, pañca balānīti.

seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho,

bhikkhave, bhikkhu pañca balāni bhāvento pañcabalāni bahulīkaronto nibbānaninno hoti nibbānapoṇo nibbānapabbhāro.

kathañca, bhikkhave, bhikkhu pañca balāni bhāvento pañca balāni

bahulīkaronto nibbānaninno hoti nibbānapoṇo nibbānapabbhāro?

idha, bhikkhave, bhikkhu saddhābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

vīriyabalaṃ . pe .

satibalaṃ.

samādhibalaṃ.

paññābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu pañca balāni bhāvento pañca balāni

bahulīkaronto nibbānaninno hoti nibbānapoṇo nibbānapabbhāro”ti.

dvādasamaṃ.

SN 5, 6. balasaṃyuttaṃ, 5. oghavaggo SN 50.3,

para.

1 ⇒

749-758. “pañcimāni, bhikkhave, uddhambhāgiyāni saṃyojanāni.

katamāni pañca?

rūparāgo, arūparāgo, māno, uddhaccaṃ,

avijjā — imāni kho, bhikkhave, pañcuddhambhāgiyāni saṃyojanāni.

imesaṃ kho, bhikkhave, pañcannaṃ uddhambhāgiyānaṃ saṃyojanānaṃ

abhiññāya pariññāya parikkhayāya pahānāya pañca balāni bhāvetabbāni.

katamāni pañca?

idha, bhikkhave, bhikkhu, saddhābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

vīriyabalaṃ . pe .

satibalaṃ . pe .

samādhibalaṃ . pe .

paññābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

imesaṃ kho, bhikkhave, pañcannaṃ uddhambhāgiyānaṃ saṃyojanānaṃ

abhiññāya pariññāya parikkhayāya pahānāya imāni pañca balāni bhāvetabbānī”ti.

(evaṃ vitthāretabbā).

dasamaṃ.

SN 5, 10. ānāpānasaṃyuttaṃ, 1. ekadhammavaggo,

2. bojjhaṅgasuttaṃ SN 54.2, para.

1 ⇒

978. “ānāpānassati, bhikkhave, bhāvitā bahulīkatā mahapphalā hoti mahānisaṃsā. kathaṃ bhāvitā ca, bhikkhave, ānāpānassati kathaṃ bahulīkatā mahapphalā hoti mahānisaṃsā? idha, bhikkhave, bhikkhu ānāpānassatisahagataṃ satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, ānāpānassatisahagataṃ dhammavicayasambojjhaṅgaṃ bhāveti . pe . ānāpānassatisahagataṃ upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. evaṃ bhāvitā kho, bhikkhave, ānāpānassati evaṃ bahulīkatā mahapphalā hoti mahānisaṃsā”ti. dutiyaṃ.

SN 5, 10. ānāpānasaṃyuttaṃ, 2. dutiyavaggo,

3. paṭhamāanandasuttaṃ SN 54.13, para.

18 ⇒

“kathaṃ bhāvitā, ānanda, satta bojjhaṅgā kathaṃ bahulīkatā vijjāvimuttiṃ paripūrenti?

idhānanda, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

dhammavicayasambojjhaṅgaṃ bhāveti . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, ānanda, satta bojjhaṅgā evaṃ bahulīkatā vijjāvimuttiṃ paripūrentī”ti.

tatiyaṃ.

SN 5, 10. ānāpānasaṃyuttaṃ, 2. dutiyavaggo,

6. dutiyabhikkhusuttaṃ SN 54.16, para.

18 ⇒

“kathaṃ bhāvitā ca, bhikkhave, satta bojjhaṅgā kathaṃ bahulīkatā vijjāvimuttiṃ paripūrenti?

idha, bhikkhave, bhikkhu satisambojjhaṅgaṃ bhāveti vivekanissitaṃ

virāganissitaṃ nirodhanissitaṃ vossaggapariṇāmiṃ; dhammavicayasambojjhaṅgaṃ

bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . pe .

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ bhāvitā kho, bhikkhave, satta bojjhaṅgā evaṃ bahulīkatā vijjāvimuttiṃ paripūrentī”ti.

chaṭṭhaṃ.

SN 5, 11. sotāpattisaṃyuttaṃ, 1. veḷudvāravaggo,

6. thapatisuttaṃ SN 55.6, para.

17 ⇒

“katamehi catūhi?

idha, thapatayo, ariyasāvako buddhe aveccappasādena samannāgato hoti — itipi so bhagavā . pe .

satthā devamanussānaṃ buddho bhagavāti.

dhamme . pe .

saṅghe . pe .

vigatamalamaccherena cetasā ajjhāgāraṃ vasati muttacāgo payatapāṇi vossaggarato yācayogo dānasaṃvibhāgarato.

imehi kho, thapatayo, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.

SN 5, 11. sotāpattisaṃyuttaṃ, 4. puññābhisandavaggo,

2. dutiyapuññābhisandasuttaṃ SN 55.32,

para.

3 ⇒

“puna caparaṃ, bhikkhave, ariyasāvako vigatamalamaccherena cetasā

agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato.

ayaṃ catuttho puññābhisando kusalābhisando sukhassāhāro.

ime kho, bhikkhave, cattāro puññābhisandā kusalābhisandā sukhassāhārā”ti.

dutiyaṃ.

SN 5, 11. sotāpattisaṃyuttaṃ, 4. puññābhisandavaggo,

7. mahānāmasuttaṃ SN 55.37, para.

5 ⇒

“kittāvatā pana, bhante, upāsako cāgasampanno hotī”ti?

“idha, mahānāma, upāsako vigatamalamaccherena cetasā agāraṃ ajjhāvasati

muttacāgo payatapāṇi vossaggarato yācayogo dānasaṃvibhāgarato — ettāvatā kho,

mahānāma, upāsako cāgasampanno hotī”ti.

SN 5, 11. sotāpattisaṃyuttaṃ, 4. puññābhisandavaggo,

9. kāḷigodhasuttaṃ SN 55.39, para.

2 ⇒

“catūhi kho, godhe, dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā.

katamehi catūhi?

idha, godhe, ariyasāvikā buddhe aveccappasādena samannāgatā hoti — itipi so bhagavā . pe .

satthā devamanussānaṃ buddho bhagavāti.

dhamme . pe .

saṅghe . pe .

vigatamalamaccherena cetasā agāraṃ ajjhāvasati muttacāgā payatapāṇinī vossaggaratā yācayogā dānasaṃvibhāgaratā.

imehi kho, godhe, catūhi dhammehi samannāgatā ariyasāvikā sotāpannā hoti avinipātadhammā niyatā sambodhiparāyaṇā”ti.

SN 5, 11. sotāpattisaṃyuttaṃ, 5. sagāthakapuññābhisandavaggo,

2. dutiyābhisandasuttaṃ SN 55.42, para.

3 ⇒

“puna caparaṃ, bhikkhave, ariyasāvako vigatamalamaccherena cetasā

agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato.

ayaṃ catuttho puññābhisando kusalābhisando sukhassāhāro .

ime kho, bhikkhave, cattāro puññābhisandā,

kusalābhisandā, sukhassāhārā.

AN

AN 3, 1. paṭhamapaṇṇāsakaṃ, 5. cūḷavaggo,

2. tiṭhānasuttaṃ AN 3.42, para.

1 ⇒

42. “tīhi, bhikkhave, ṭhānehi saddho pasanno veditabbo. katamehi tīhi? sīlavantānaṃ dassanakāmo hoti, saddhammaṃ sotukāmo hoti, vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato. imehi kho, bhikkhave, tīhi ṭhānehi saddho pasanno veditabbo”.

AN 3, 2. dutiyapaṇṇāsakaṃ, (8) 3. ānandavaggo,

9. gandhajātasuttaṃ AN 3.80, para.

4 ⇒

“idhānanda, yasmiṃ gāme vā nigame vā itthī vā puriso vā buddhaṃ saraṇaṃ gato hoti,

dhammaṃ saraṇaṃ gato hoti, saṅghaṃ saraṇaṃ gato hoti,

pāṇātipātā paṭivirato hoti, adinnādānā paṭivirato hoti,

kāmesumicchācārā paṭivirato hoti, musāvādā paṭivirato hoti,

surāmerayamajjapamādaṭṭhānā paṭivirato hoti,

sīlavā hoti kalyāṇadhammo, vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato.

AN 3, 2. dutiyapaṇṇāsakaṃ, (8) 3. ānandavaggo,

9. gandhajātasuttaṃ AN 3.80, para.

5 ⇒

“tassa disāsu samaṇabrāhmaṇā vaṇṇaṃ bhāsanti — ‘amukasmiṃ nāma

gāme vā nigame vā itthī vā puriso vā buddhaṃ saraṇaṃ gato hoti,

dhammaṃ saraṇaṃ gato hoti, saṅghaṃ saraṇaṃ gato hoti,

pāṇātipātā paṭivirato hoti, adinnādānā paṭivirato hoti,

kāmesumicchācārā paṭivirato hoti, musāvādā paṭivirato hoti,

surāmerayamajjapamādaṭṭhānā paṭivirato hoti,

sīlavā hoti kalyāṇadhammo, vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato’”ti.

AN 3, 2. dutiyapaṇṇāsakaṃ, (8) 3. ānandavaggo,

9. gandhajātasuttaṃ AN 3.80, para.

6 ⇒

“devatāpissa vaṇṇaṃ bhāsanti — ‘amukasmiṃ nāma gāme vā nigame vā itthī vā puriso vā buddhaṃ saraṇaṃ gato hoti,

dhammaṃ saraṇaṃ gato hoti, saṅghaṃ saraṇaṃ gato hoti,

pāṇātipātā paṭivirato hoti . pe .

surāmerayamajjapamādaṭṭhānā paṭivirato hoti,

sīlavā hoti kalyāṇadhammo, vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato’ti.

idaṃ kho taṃ, ānanda, gandhajātaṃ yassa anuvātampi gandho gacchati,

paṭivātampi gandho gacchati, anuvātapaṭivātampi gandho gacchatī”ti.

AN 4, 1. paṭhamapaṇṇāsakaṃ, 2. caravaggo,

4. saṃvarasuttaṃ AN 4.14, para.

3 ⇒

“katamañca, bhikkhave, bhāvanāppadhānaṃ?

idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

dhammavicayasambojjhaṅgaṃ bhāveti.

vīriyasambojjhaṅgaṃ bhāveti.

pītisambojjhaṅgaṃ bhāveti.

passaddhisambojjhaṅgaṃ bhāveti.

samādhisambojjhaṅgaṃ bhāveti.

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

idaṃ vuccati, bhikkhave, bhāvanāppadhānaṃ.

AN 5, 1. paṭhamapaṇṇāsakaṃ, 5. muṇḍarājavaggo,

7. dhanasuttaṃ AN 5.47, para.

5 ⇒

“katamañca, bhikkhave, cāgadhanaṃ?

idha, bhikkhave, ariyasāvako vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato.

idaṃ vuccati, bhikkhave, cāgadhanaṃ.

AN 6, 1. paṭhamapaṇṇāsakaṃ, 1. āhuneyyavaggo,

10. mahānāmasuttaṃ AN 6.10, para.

6 ⇒

“puna caparaṃ, mahānāma, ariyasāvako attano cāgaṃ anussarati — ‘lābhā vata me,

suladdhaṃ vata me!

yohaṃ maccheramalapariyuṭṭhitāya pajāya vigatamalamaccherena

cetasā agāraṃ ajjhāvasāmi muttacāgo payatapāṇi vossaggarato yācayogo dānasaṃvibhāgarato’ti.

yasmiṃ, mahānāma, samaye ariyasāvako cāgaṃ anussarati nevassa tasmiṃ samaye rāgapariyuṭṭhitaṃ cittaṃ hoti,

na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ

hoti; ujugatamevassa tasmiṃ samaye cittaṃ hoti cāgaṃ ārabbha.

ujugatacitto kho pana, mahānāma, ariyasāvako labhati atthavedaṃ,

labhati dhammavedaṃ, labhati dhammūpasaṃhitaṃ pāmojjaṃ.

pamuditassa pīti jāyati, pītimanassa kāyo passambhati,

passaddhakāyo sukhaṃ vediyati, sukhino cittaṃ samādhiyati.

ayaṃ vuccati, mahānāma — ‘ariyasāvako visamagatāya pajāya samappatto viharati,

sabyāpajjāya pajāya abyāpajjo viharati,

dhammasotaṃ samāpanno cāgānussatiṃ bhāveti”’.

AN 6, 2. dutiyapaṇṇāsakaṃ, 6. mahāvaggo,

4. āsavasuttaṃ AN 6.58, para.

8 ⇒

“katame ca, bhikkhave, āsavā bhāvanā pahātabbā ye bhāvanāya pahīnā honti?

idha, bhikkhave, bhikkhu paṭisaṅkhā yoniso satisambojjhaṅgaṃ

bhāveti vivekanissitaṃ virāganissitaṃ nirodhanissitaṃ vossaggapariṇāmiṃ,

paṭisaṅkhā yoniso dhammavicayasambojjhaṅgaṃ bhāveti . pe .

vīriyasambojjhaṅgaṃ bhāveti.

pītisambojjhaṅgaṃ bhāveti.

passaddhisambojjhaṅgaṃ bhāveti.

samādhisambojjhaṅgaṃ bhāveti.

upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

yaṃ hissa, bhikkhave, abhāvayato uppajjeyyuṃ āsavā vighātapariḷāhā,

bhāvayato evaṃsa te āsavā vighātapariḷāhā na honti.

ime vuccanti, bhikkhave, āsavā bhāvanā pahātabbā ye bhāvanāya pahīnā honti.

AN 7, 1. dhanavaggo, 6. vitthatadhanasuttaṃ AN 7.6,

para.

7 ⇒

“katamañca, bhikkhave, cāgadhanaṃ?

idha, bhikkhave, ariyasāvako vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato.

idaṃ vuccati, bhikkhave, cāgadhanaṃ.

AN 8, 1. paṭhamapaṇṇāsakaṃ, 5. uposathavaggo,

6. anuruddhasuttaṃ AN 8.46, para.

17 ⇒

“cāgavatī kho pana hoti.

vigatamalamaccherena cetasā agāraṃ ajjhāvasati muttacāgā payatapāṇinī vossaggaratā yācayogā dānasaṃvibhāgaratā.

AN 8, 1. paṭhamapaṇṇāsakaṃ, 5. uposathavaggo,

7. dutiyavisākhāsuttaṃ AN 8.47, para.

3 ⇒

“cāgavatī kho pana hoti.

vigatamalamaccherena cetasā agāraṃ ajjhāvasati muttacāgā payatapāṇinī vossaggaratā yācayogā dānasaṃvibhāgaratā.

imehi kho, visākhe, aṭṭhahi dhammehi samannāgato mātugāmo kāyassa

bhedā paraṃ maraṇā manāpakāyikānaṃ devānaṃ sahabyataṃ upapajjatī”ti.

AN 8, 1. paṭhamapaṇṇāsakaṃ, 5. uposathavaggo,

8. nakulamātāsuttaṃ AN 8.48, para.

9 ⇒

“cāgavatī kho pana hoti vigatamalamaccherena cetasā agāraṃ ajjhāvasati

muttacāgā payatapāṇinī vossaggaratā yācayogā dānasaṃvibhāgaratā.

AN 8, 1. paṭhamapaṇṇāsakaṃ, 5. uposathavaggo,

9. paṭhamaidhalokikasuttaṃ AN 8.49,

para.

10 ⇒

“kathañca, visākhe, mātugāmo cāgasampanno hoti?

idha, visākhe, mātugāmo vigatamalamaccherena cetasā agāraṃ ajjhāvasati

muttacāgā payatapāṇinī vossaggaratā yācayogā dānasaṃvibhāgaratā.

evaṃ kho, visākhe, mātugāmo cāgasampanno hoti.

AN 8, 2. dutiyapaṇṇāsakaṃ, (6) 1. gotamīvaggo,

4. dīghajāṇusuttaṃ AN 8.54, para.

10 ⇒

“katamā ca, byagghapajja, cāgasampadā?

idha, byagghapajja, kulaputto vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato.

ayaṃ vuccati, byagghapajja, cāgasampadā.

AN 8, 2. dutiyapaṇṇāsakaṃ, (6) 1. gotamīvaggo,

5. ujjayasuttaṃ AN 8.55, para.

10 ⇒

“katamā ca, brāhmaṇa, cāgasampadā?

idha, brāhmaṇa, kulaputto vigatamalamaccherena cetasā agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgarato.

ayaṃ vuccati, brāhmaṇa, cāgasampadā.

AN 11, 2. anussativaggo, 1. paṭhamamahānāmasuttaṃ AN 11.11,

para.

7 ⇒

“puna caparaṃ tvaṃ, mahānāma, attano cāgaṃ anussareyyāsi — ‘lābhā vata me,

suladdhaṃ vata me, yohaṃ maccheramalapariyuṭṭhitāya pajāya vigatamalamaccherena

cetasā agāraṃ ajjhāvasāmi muttacāgo payatapāṇi vossaggarato yācayogo dānasaṃvibhāgarato’ti.

yasmiṃ, mahānāma, samaye ariyasāvako cāgaṃ anussarati,

nevassa tasmiṃ samaye rāgapariyuṭṭhitaṃ cittaṃ hoti,

na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ

hoti; ujugatamevassa tasmiṃ samaye cittaṃ hoti cāgaṃ ārabbha.

ujugatacitto kho pana, mahānāma, ariyasāvako labhati atthavedaṃ,

labhati dhammavedaṃ, labhati dhammūpasaṃhitaṃ pāmojjaṃ.

pamuditassa pīti jāyati, pītimanassa kāyo passambhati,

passaddhakāyo sukhaṃ vediyati, sukhino cittaṃ samādhiyati.

ayaṃ vuccati, mahānāma, ariyasāvako visamagatāya pajāya samappatto viharati,

sabyāpajjāya pajāya abyāpajjo viharati,

dhammasotasamāpanno cāgānussatiṃ bhāveti.

AN 11, 2. anussativaggo, 3. nandiyasuttaṃ AN 11.13,

para.

9 ⇒

“puna caparaṃ tvaṃ, nandiya, attano cāgaṃ anussareyyāsi — ‘lābhā vata me,

suladdhaṃ vata me, yohaṃ maccheramalapariyuṭṭhitāya pajāya vigatamalamaccherena

cetasā agāraṃ ajjhāvasāmi muttacāgo payatapāṇi vossaggarato yācayogo dānasaṃvibhāgarato’ti.

iti kho te, nandiya, cāgaṃ ārabbha ajjhattaṃ sati upaṭṭhāpetabbā.

KN

KN Ja 2, 22. mahānipāto, 543. bhūridattajātakaṃ (6) KN 15.543,

para.

531 ⇒

tenāpi dhammena na koci hīno, evampi vossaggavibhaṅgamāhu .

KN Paṭis, 3. paññāvaggo, 4. vivekakathā,,

para.

2 ⇒

“kathañca, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāveti,

ariyaṃ aṭṭhaṅgikaṃ maggaṃ bahulīkaroti?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

sammāsaṅkappaṃ . pe .

sammāvācaṃ.

sammākammantaṃ.

sammāājīvaṃ.

sammāvāyāmaṃ.

sammāsatiṃ.

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ aṭṭhaṅgikaṃ maggaṃ bhāveti,

ariyaṃ aṭṭhaṅgikaṃ maggaṃ bahulīkaroti.

KN Paṭis, 3. paññāvaggo, 4. vivekakathā,,

para.

4 ⇒

“kathañca, bhikkhave, bhikkhu sīlaṃ nissāya sīle patiṭṭhāya ariyaṃ

aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuddhiṃ virūḷhiṃ vepullaṃ pāpuṇāti dhammesu?

idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

sammāsaṅkappaṃ bhāveti . pe .

sammāvācaṃ bhāveti.

sammākammantaṃ bhāveti.

sammāājīvaṃ bhāveti.

sammāvāyāmaṃ bhāveti.

sammāsatiṃ bhāveti.

sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu sīlaṃ nissāya sīle patiṭṭhāya ariyaṃ

aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vuddhiṃ virūḷhiṃ vepullaṃ pāpuṇāti dhammesū”ti.

KN Paṭis, 3. paññāvaggo, 4. vivekakathā,

1. maggaṅganiddeso, para.

1 ⇒

24. sammādiṭṭhiyā pañca vivekā, pañca virāgā, pañca nirodhā, pañca vossaggā, dvādasa nissayā. sammāsaṅkappassa . pe . sammāvācāya. sammākammantassa. sammāājīvassa. sammāvāyāmassa. sammāsatiyā. sammāsamādhissa pañca vivekā, pañca virāgā, pañca nirodhā, pañca vossaggā, dvādasa nissayā.

KN Paṭis, 3. paññāvaggo, 4. vivekakathā,

1. maggaṅganiddeso, para.

5 ⇒

sammādiṭṭhiyā katame pañca vossaggā?

vikkhambhanavossaggo, tadaṅgavossaggo, samucchedavossaggo,

paṭippassaddhivossaggo, nissaraṇavossaggo.

vikkhambhanavossaggo ca nīvaraṇānaṃ paṭhamajjhānaṃ bhāvayato,

tadaṅgavossaggo ca diṭṭhigatānaṃ nibbedhabhāgiyaṃ samādhiṃ bhāvayato,

samucchedavossaggo ca lokuttaraṃ khayagāmimaggaṃ bhāvayato,

paṭippassaddhivossaggo ca phalakkhaṇe, nissaraṇavossaggo ca nirodho nibbānaṃ.

sammādiṭṭhiyā ime pañca vossaggā.

imesu pañcasu vossaggesu chandajāto hoti saddhādhimutto,

cittañcassa svādhiṭṭhitaṃ.

sammādiṭṭhiyā ime pañca vivekā, pañca virāgā,

pañca nirodhā, pañca vossaggā, dvādasa nissayā.

KN Paṭis, 3. paññāvaggo, 4. vivekakathā,

1. maggaṅganiddeso, para.

9 ⇒

sammāsamādhissa katame pañca vossaggā?

vikkhambhanavossaggo, tadaṅgavossaggo, samucchedavossaggo,

paṭippassaddhivossaggo, nissaraṇavossaggo.

vikkhambhanavossaggo ca nīvaraṇānaṃ paṭhamajjhānaṃ bhāvayato,

tadaṅgavossaggo ca diṭṭhigatānaṃ nibbedhabhāgiyaṃ samādhiṃ bhāvayato,

samucchedavossaggo ca lokuttaraṃ khayagāmimaggaṃ bhāvayato,

paṭippassaddhivossaggo ca phalakkhaṇe, nissaraṇavossaggo ca nirodho nibbānaṃ.

sammāsamādhissa ime pañca vossaggā.

imesu pañcasu vossaggesu chandajāto hoti saddhādhimutto,

cittañcassa svādhiṭṭhitaṃ.

sammāsamādhissa ime pañca vivekā, pañca virāgā,

pañca nirodhā, pañca vossaggā, dvādasa nissayā.

KN Paṭis, 3. paññāvaggo, 4. vivekakathā,

1. maggaṅganiddeso, para.

12 ⇒

“kathañca, bhikkhave, bhikkhu sīlaṃ nissāya sīle patiṭṭhāya pañcindriyāni

bhāvento pañcindriyāni bahulīkaronto vuddhiṃ virūḷhiṃ vepullaṃ pāpuṇāti dhammesu?

idha, bhikkhave, bhikkhu saddhindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

vīriyindriyaṃ bhāveti . pe .

satindriyaṃ bhāveti . pe .

samādhindriyaṃ bhāveti . pe .

paññindriyaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

evaṃ kho, bhikkhave, bhikkhu sīlaṃ nissāya . pe .

pāpuṇāti dhammesū”ti.

KN Paṭis, 3. paññāvaggo, 4. vivekakathā,

2. indriyaniddeso, para.

1 ⇒

27. saddhindriyassa pañca vivekā, pañca virāgā, pañca nirodhā, pañca vossaggā, dvādasa nissayā. vīriyindriyassa . pe . satindriyassa. samādhindriyassa. paññindriyassa pañca vivekā, pañca virāgā, pañca nirodhā, pañca vossaggā, dvādasa nissayā.

KN Paṭis, 3. paññāvaggo, 4. vivekakathā,

2. indriyaniddeso, para.

2 ⇒

saddhindriyassa katame pañca vivekā?

vikkhambhanaviveko, tadaṅgaviveko, samucchedaviveko,

paṭippassaddhiviveko, nissaraṇaviveko.

vikkhambhanaviveko ca nīvaraṇānaṃ paṭhamajjhānaṃ bhāvayato,

tadaṅgaviveko ca diṭṭhigatānaṃ nibbedhabhāgiyaṃ samādhiṃ bhāvayato,

samucchedaviveko ca lokuttaraṃ khayagāmimaggaṃ bhāvayato,

paṭippassaddhiviveko ca phalakkhaṇe,

nissaraṇaviveko ca nirodho nibbānaṃ.

saddhindriyassa ime pañca vivekā.

imesu pañcasu vivekesu chandajāto hoti saddhādhimutto,

cittañcassa svādhiṭṭhitaṃ . pe .

saddhindriyassa ime pañca vivekā, pañca virāgā,

pañca nirodhā, pañca vossaggā, dvādasa nissayā.

KN Paṭis, 3. paññāvaggo, 4. vivekakathā,

2. indriyaniddeso, para.

3 ⇒

vīriyindriyassa . pe .

satindriyassa . pe .

samādhindriyassa.

paññindriyassa katame pañca vivekā?

vikkhambhanaviveko, tadaṅgaviveko, samucchedaviveko,

paṭippassaddhiviveko, nissaraṇaviveko . pe .

paññindriyassa ime pañca vivekā, pañca virāgā,

pañca nirodhā, pañca vossaggā, dvādasa nissayāti.

KN Paṭis, 3. paññāvaggo, 10. mātikākathā,

para.

1 ⇒

4..

nicchāto, mokkho vimokkho, vijjāvimutti,

adhisīlaṃ, adhicittaṃ, adhipaññā, passaddhi,

ñāṇaṃ, dassanaṃ visuddhi nekkhammaṃ,

nissaraṇaṃ paviveko, vossaggo, cariyā, jhānavimokkho,

bhāvanā, adhiṭṭhānaṃ, jīvitaṃ.

KN Paṭis, 3. paññāvaggo, 10. mātikākathā,

para.

13 ⇒

vossaggoti nekkhammena kāmacchandaṃ vossajjatīti — vossaggo.

abyāpādena byāpādaṃ vossajjatīti — vossaggo . pe .

arahattamaggena sabbakilese vossajjatīti — vossaggo.

KN Nett, 4. paṭiniddesavāro, 2. vicayahāravibhaṅgo,

para.

48 ⇒

tattha sati ca paññā ca cattāri indriyāni,

sati dve indriyāni satindriyañca samādhindriyañca,

paññā dve indriyāni paññindriyañca vīriyindriyañca.

yā imesu catūsu indriyesu saddahanā okappanā,

idaṃ saddhindriyaṃ.

tattha yā saddhādhipateyyā cittekaggatā,

ayaṃ chandasamādhi.

samāhite citte kilesānaṃ vikkhambhanatāya paṭisaṅkhānabalena vā bhāvanābalena vā,

idaṃ pahānaṃ.

tattha ye assāsapassāsā vitakkavicārā saññāvedayitā sarasaṅkappā,

ime saṅkhārā.

iti purimako ca chandasamādhi, kilesavikkhambhanatāya ca pahānaṃ ime ca saṅkhārā,

tadubhayaṃ chandasamādhippadhānasaṅkhārasamannāgataṃ iddhipādaṃ

bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

tattha yā vīriyādhipateyyā cittekaggatā,

ayaṃ vīriyasamādhi . pe .

tattha yā cittādhipateyyā cittekaggatā,

ayaṃ cittasamādhi . pe .

tattha yā vīmaṃsādhipateyyā cittekaggatā,

ayaṃ vīmaṃsāsamādhi.

samāhite citte kilesānaṃ vikkhambhanatāya paṭisaṅkhānabalena vā bhāvanābalena vā,

idaṃ pahānaṃ.

tattha ye assāsapassāsā vitakkavicārā saññāvedayitā sarasaṅkappā,

ime saṅkhārā.

iti purimako ca vīmaṃsāsamādhi, kilesavikkhambhanatāya ca pahānaṃ ime ca saṅkhārā,

tadubhayaṃ vīmaṃsāsamādhippadhānasaṅkhārasamannāgataṃ iddhipādaṃ

bhāveti vivekanissitaṃ virāganissitaṃ nirodhanissitaṃ vossaggapariṇāmiṃ.

KN Nett, 4. paṭiniddesavāro, 10. vevacanahāravibhaṅgo,

para.

23 ⇒

yathā ca cāgānussatiyaṃ vuttaṃ yasmiṃ samaye ariyasāvako agāraṃ

ajjhāvasati muttacāgo payatapāṇi vossaggarato yācayogo dānasaṃvibhāgaratoti cāgānussatiyā etaṃ vevacanaṃ.

tenāha āyasmā mahākaccāyano “vevacanāni bahūnī”ti.

KN Nett, sāsanapaṭṭhānaṃ, para.

133 ⇒

“katamehi catūhi?

idha, thapatayo, sutavā ariyasāvako buddhe aveccappasādena samannāgato hoti itipi so bhagavā arahaṃ . pe .

buddho bhagavāti, dhamme . pe .

saṅghe . pe .

vigatamalamaccherena cetasā agāraṃ ajjhāvasati,

muttacāgo payatapāṇi vossaggarato yācayogo dānasaṃvibhāgarato appaṭivibhattaṃ.

imehi kho, thapatayo, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.